ວິສະວະກອນໂຍທາ

ການເຮັດວຽກ

• ຕິດຕໍ່ ແລະ ປະສານງານ, ໂອ້ລົມກັບລູກຄ້າ ເພື່ອເກັບກໍາຂໍ້ມູນທີ່ຈໍາເປັນ ແລະ ວິເຄາະຄວາມຕ້ອງການຂອງລູກຄ້າ

• ປະຊຸມລວມກັບທີມ ເພື່ອປະເມີນລັກສະນະຕ່າງໆຂອງໂຄງການ ແລະ ເດີນທາງໄປສໍາຫຼວດສະຖານທີ່ຕົວຈິງເຊັ່ນ: ສໍາຫຼວດທໍລະນີວິທະຍາ ໂດຍສະເພາະສໍາຫຼວດກ່ຽວກັບດິນ, ການຄົມມະມາຄົມ, ອາກາດ, ຂໍ້ສະດວກ, ຂໍ້ຫຍຸ້ງຍາກໃນການກໍ່ສ້າງ ແລະ ສໍາຫຼວດເຖິງຈຸດພິເສດຂອງສະຖານທີ່ທີ່ຈະກໍ່ສ້າງ

• ອອກແບບຕາມການວິເຄາະ, ປະເມີນຄວາມຕ້ອງການຂອງລູກຄ້າ ແລະ ອີງຕາມພື້ນທີ່ທີ່ຕົນເອງໄດ້ເດີນທາງໄປສໍາຫຼວດ

• ຄິດໄລ່ອຸປະກອນ, ງົບປະມານໃນການໃຊ້ອຸປະກອນ ແລະ ງົບປະມານໂຄງການ

• ວາງແຜນການກໍ່ສ້າງ ເຊັ່ນ: ເຄື່ອງມືທີ່ຕ້ອງໃຊ້, ໄລຍະເວລາໃນການກໍ່ສ້າງ, ຈໍານວນຄົນທີ່ຕ້ອງໃຊ້ໃນການກໍ່ສ້າງ

• ສະເໜີແບບແຜນການກໍ່ສ້າງຕາມທີ່ຕົນເອງ ແລະ ທີມມີການອອກແບບ ພ້ອມທັງສາມາດອະທິບາຍໃຫ້ລູກຄ້າເຫັນເຖິງຂໍ້ສະດວກ ແລະ ຂໍ້ຫຍຸ້ງຍາກໃນການກໍ່ສ້າງຄັ້ງນັ້ນໆ

• ຕິດຕາມ ແລະ ສໍາຫຼວດການກໍ່ສ້າງວ່າເປັນໄປຕາມແຜນການກໍ່ສ້າງແນວໃດ

• ຄວບຄຸມຄຸນນະພາບ ແລະ ຄວບຄຸມສິ່ງກໍ່ສ້າງໃຫ້ຖືກຕ້ອງຕາມແບບ

• ບໍລິສັດຮັບເໝົາກໍ່ສ້າງ

• ບໍລິສັດເຂື່ອນໄຟຟ້າ

• ບໍລິສັດຂຸດຄົ້ນບໍ່ແຮ່

• ກະຊວງໂຍທາທິການ ແລະ ຂົນສົ່ງ

• ບໍລິສັດທີ່ປຶກສາກ່ຽວກັບການກໍ່ສ້າງ

• ເປັນອາຈານສອນກ່ຽວກັບວິສະວະກໍາໂຍທາ

• ເຮັດວຽກຢູ່ກະຊວງຊັບ ໂດຍສະເພາະແມ່ນກົມການຄຸ້ມຄອງທໍລະນີ

• ເຮັດກ່ຽວກັບການກໍ່ສ້າງຂອງກອງປ້ອງກັນຊາດ ຫຼື ທີ່ເຮົາຮູ້ດີແມ່ນທະຫານສ່ອງແສງ

• ນອກນັ້ນ, ຍັງສາມາດເຮັດວຽກໃນຫຼາຍໆອົງກອນທີ່ເຮັດກ່ຽວກັບການກໍ່ສ້າງ

ຜູ້ທີ່ຕ້ອງເຮັດວຽກຮ່ວມ

• ລູກຄ້າ

• ສະຖາປະນິກ

• ໜ່ວຍງານພາກລັດທີ່ກ່ຽວຂ້ອງ

• ຝ່າຍຮັບເໝົາກໍ່ສ້າງ

• ຮ້ານອຸປະກອນ ຫຼື ຜູ້ອໍານວຍຄວາມສະດວກຕ່າງໆ ເຊັ່ນ: ອຸປະກອນກໍ່ສ້າງ, ໄຟຟ້າ

ທາງເລືອກອາຊີບ

• ນັກວິສະວະກອນໂຍທາມີທາງເລືອກທາງດ້ານອາຊີບທີ່ຫຼາກຫຼາຍດັ່ງນີ້: 

• ສາມາດເລືອກອົງກອນ ຫຼື ບໍລິສັດທີ່ຕົນເອງສົນໃຈເຮັດວຽກຮ່ວມໄດ້ 

• ສາມາດປະກອບອາຊີບອິດສະຫຼະ

• ສາມາດກໍ່ຕັ້ງບໍລິສັດ ແລະ ເຮັດວຽກກ່ຽວກັບການອອກແບບ-ກໍ່ສ້າງ ຂົວທາງ.   ນອກນັ້ນ, ນັກວິສະວະກອນໂຍທາ ແມ່ນຜູ້ທີ່ມີຄວາມຮູ້ໃນຫຼາຍດ້ານ ໂດຍສະເພາະແມ່ນ 5 ຂົງເຂດວຽກທີ່ຈະກ່າວໃນທາງດ້ານລຸ່ມຕໍ່ໄປນີ້. ຢ່າງໃດກໍຕາມ, ວິສະວະກອນໂຍທາ ສາມາດເຮັດວຽກລົງເລິກໃນສາຍທີ່ຕົນເອງສົນໃຈ ເຊັ່ນ: 

• ວິສະວະກໍາໂຄງສ້າງ

• ວິສະວະກໍາກໍ່ສ້າງ ແລະ ບໍລິຫານ

• ວິສະວະກໍາທໍລະນີເຕັກນິກ

• ວິສະວະກໍາສໍາຫຼວດວັດແທກ ແລະ ກະແທກ

• ວິສະວະກໍານໍ້າ ແລະ  ສິ່ງແວດລ້ອມ