top of page

ຊ່າງກົນຈັກໂຮງງານ

ນິຍາມອາຊີບ

ຊ່າງກົນຈັກໂຮງງານ ແມ່ນຜູ້ທີ່ເບິ່ງແຍງຮັກສາ, ກວດກາ, ສ້ອມແປງ ແລະ ຄວບຄຸມເຄື່ອງຈັກການຜະລິດຕ່າງໆຢູ່ໃນໂຮງງານ ເພື່ອໃຫ້ການຜະລິດໄດ້ຮັບປະສິດທິພາບ ແລະ ເພື່ອໃຫ້ຜູ້ເຮັດວຽກຄົນອື່ນໆໄດ້ຮັບຄວາມປອດໄພ.

ການເຮັດວຽກ

ລັກສະນະວຽກ

ຊ່າງກົນຈັກເປັນວຽກທີ່ເຮັດວຽກນອກສະຖານທີ່ເປັນສ່ວນໃຫຍ່ ເຊິ່ງຈະໄດ້ເດີນທາງໄປກວດລະບົບການເຮັດວຽກຂອງເຄື່ອງຈັກ ຫຼື ເດີນທາງໄປສ້ອມແປງເຄື່ອງຈັກ ໃນໂຮງງານທີ່ລູກຄ້າຈ້າງ.

ໜ້າທີ່ຮັບຜິດຊອບ

  • ກວດກາການເຮັດວຽກຂອງເຄື່ອງຈັກໃນໂຮງງານ

  • ບໍາລຸງຮັກສາເຄື່ອງຈັກຂະໜາດໃຫຍ່ໃນໂຮງງານ

  • ຕິດຕັ້ງເຄື່ອງຈັກ 

  • ຄວບຄຸມເຄື່ອງຈັກການຜະລິດ

  • ສ້ອມແປງເຄື່ອງຈັກທີ່ມີບັນຫາ

ສະຖານທີ່ເຮັດວຽກ

  • ອິດສະຫຼະ/ສ່ວນຕົວ (Freelance)

  • ເປັນຊ່າງກົນຈັກປະຈໍາໂຮງງານ ຫຼື ບໍລິສັດໃດໜຶ່ງ

ຜູ້ທີ່ຕ້ອງເຮັດວຽກຮ່ວມ

  • ຊ່າງກົນຈັກຄົນອື່ນໆ

  • ໂຮງງານທີ່ກ່ຽວຂ້ອງ

  • ພະນັກງານຄົນອື່ນໆທີ່ເຮັດວຽກໃນໂຮງງານ

  • ຮ້ານຂາຍອຸປະກອນເຄື່ອງຈັກ

  • ວິສະວະກອນເຄື່ອງຈັກ ແລະ ຜູ້ຄວບຄຸມການຜະລິດ

  • ພະແນກຕ່າງໆຂອງໂຮງງານ

ທາງເລືອກອາຊີບ

ການມີຄວາມຮູ້ກ່ຽວກັບເຄື່ອງກົນຈັກ ແມ່ນສາມາດຮັບເຮັດວຽກໃຫ້ກັບຫຼາຍບໍລິສັດ ຫຼື ຫຼາຍໂຄງການໄດ້. ນອກຈາກນັ້ນ, ຖ້າຫາກວ່າມີຄວາມຮູ້ເລື່ອງກົນຈັກແລ້ວ ແມ່ນງ່າຍທີ່ຈະຜັນປ່ຽນໄປເຮັດອາຊີບຕ່າງໆທີ່ກ່ຽວກັບເຄື່ອງຈັກ ເຊັ່ນ: ຖ້າໄປສຶກສາເລື່ອງແປງລົດໃຫຍ່ກໍຈະງ່າຍກວ່າຄົນທີ່ບໍ່ມີພື້ນຖານ, ສຶກສາເລື່ອງແປງແອກໍຈະຮຽນຮູ້ໄດ້ໄວ, ສຶກສາເລື່ອງໄຟຟ້າກໍໄດ້.

ຄວາມກ້າວໜ້າທາງດ້ານອາຊີບ

ການເຕີບໂຕທາງດ້ານອາຊີບ

  • ສາມາດເຮັດວຽກອິດສະຫຼະໄດ້

  • ມີຕົວເລືອກດ້ານສະຖານທີ່ເຮັດວຽກຫຼາຍ

  • ສາມາດຕັ້ງເປັນບໍລິສັດບໍາລຸງຮັກສາ ແລະ ສ້ອມແປງເຄື່ອງຈັກໂຮງງານໄດ້

  • ຖ້າມີຄວາມຮູ້ໃນພາສາຕ່າງປະເທດ ສາມາດໄປເຮັດວຽກໃນບັນດາປະເທດອາຊຽນໄດ້

ຂັ້ນລາຍໄດ້

(ບໍ່ມີຂໍ້ມູນ)

ເງິນເດືອນພື້ນຖານ

(ບໍ່ມີຂໍ້ມູນ)

ແຂ່ງຂັນ ແລະ ຄວາມຕ້ອງການຂອງຕະຫຼາດແຮງງານ

ປັດຈຸບັນ, ມີຫຼາຍໂຮງງານອຸດສາຫະກຳເກີດຂຶ້ນ; ດັ່ງນັ້ນ, ຫຼາຍໆໂຮງງານກໍຕ້ອງການຊ່າງກົນຈັກທີ່ມີຄວາມຮູ້ສະເພາະດ້ານ ເພື່ອກວດເບິ່ງລະບົບການເຮັດວຽກ, ເພື່ອຮັບປະກັນເຖິງຄວາມປອດໄພຂອງແຮງງານ ແລະ ໂຮງງານ. ຊ່າງກົນຈັກແມ່ນເປັນທີ່ຕ້ອງການຂອງສັງຄົມເຮົາ ແຕ່ຫຼາຍຄົນອາດຈະຍັງບໍ່ຮູ້ຈັກອາຊີບນີ້.

ຂໍ້ດີ ແລະ ຂໍ້ເສຍ

ຂໍ້ດີ

  • ເປັນວຽກທີ່ມີລາຍໄດ້ດີ 

  • ເປັນອາຊີບທີ່ສັງຄົມຕ້ອງການ

  • ມີໂອກາດໄດ້ເຮັດວຽກກັບຫຼາຍໂຮງງານ ຫຼື ມີເຄືອຂ່າຍຫຼາຍ

  • ສາມາດຜັນປ່ຽນໄປເຮັດຫຼາຍຢ່າງໄດ້ ເພາະມີຄວາມຮູ້ໃນດ້ານເຄື່ອງຈັກ

ຂໍ້ເສຍ

  • ເປັນວຽກຂ້ອນຂ້າງໜັກ ເພາະວ່າຕ້ອງໄດ້ແປງເຄື່ອງຈັກຂະໜາດໃຫຍ່

  • ບາງຄັ້ງຕ້ອງມີການເຮັດວຽກໜັກ ແລະ ກາຍເວລາກິນເຂົ້າ ເຊິ່ງສົ່ງຜົນຕໍ່ດ້ານສຸຂະພາບ

  • ເປັນວຽກທີ່ຕ້ອງການຄວາມລະອຽດສູງ. ດັ່ງນັ້ນ, ວຽກນີ້ຈຶ່ງທ້າທາຍຫຼາຍ

ຄຸນສົມບັດທີ່ເໝາະສົມກັບອາຊີບ

  • ມີໃຈຮັກດ້ານເຄື່ອງຈັກ

  • ມັກເຮັດວຽກນອກສະຖານທີ່

  • ມັກຮັກໃນການປະຕິບັດຕົວຈິງຄວບຄູ່ກັບທິດສະດີ

  • ມີຮ່າງກາຍທີ່ແຂງແຮງສົມບູນ, ມີຄວາມອົດທົນໝັ່ນພຽນ ແລະ ມີຄວາມລະອຽດຮອບຄອບ

  • ມີຈັນຍາບັນ, ເຮັດວຽກດ້ວຍຄວາມສັດຊື່  ແລະ ມີປະສິດທິພາບ

ທັກສະທີ່ເໝາະສົມກັບອາຊີບ

  • ຄວາມຮູ້ດ້ານທິດສະດີຄວບຄູ່ກັບຄວາມຊຳນານງານ

  • ຄວາມຮູ້ດ້ານລະບົບຂອງເຄື່ອງກົນຈັກ

  • ຄວາມຄິດວິເຄາະ, ສາມາດຫາສາເຫດຂອງບັນຫາ ແລະ ຮູ້ວິທີແກ້ໄຂບັນຫາທີ່ເກີດຂຶ້ນກັບເຄື່ອງຈັກ

ຄຸນຄ່າຂອງອາຊີບ

ສ.ປ.ປ ລາວ ເປັນປະເທດທີ່ກໍາລັງພັດທະນາ, ມີຫຼາຍໂຮງຈັກໂຮງງານທີ່ກໍາລັງເກີດຂຶ້ນ ເຊິ່ງແຕ່ລະໂຮງງານລ້ວນແລ້ວແຕ່ມີເຄື່ອງຈັກທີ່ຕ້ອງການຊ່າງເຂົ້າໄປກວດສອບການເຮັດວຽກ, ຕິດຕາມແຕ່ລະໄລຍະ ພ້ອມທັງສ້ອມແປງ ເພື່ອໃຫ້ການຜະລິດຂອງໂຮງງານນັ້ນມີປະສິດທິພາບ ແລະ ປອດໄພ.

ຊ່ອງທາງການສຶກສາເພີ່ມເຕີມ

  • ອິນເຕີເນັດ

  • ວິທະຍາໄລເຕັກນິກລາວເຢຍລະມັນ

  • ວິທະຍາໄລເຕັກນິກ ປາກປ່າສັກ 

  • ສະຖາບັນເຕັກນິກວິຊາຊີບແຫຼ່ງອື່ນໆ

  • ຜູ້ທີ່ປະກອບອາຊີບນີ້ໂດຍກົງ

  • ໂຮງງານຕ່າງໆ

ອາຊີບທີ່ໃກ້ຄຽງ

  • ຜູ້ຄວບຄຸມການຜະລິດ

  • ວິສະວະກອນກົນຈັກ

ຄໍາແນະນໍາການພັດທະນາຕົນເອງ

  • ໝັ່ນສຶກສາເລື່ອງກົນໄກການເຮັດວຽກຂອງກົນຈັກ

  • ຖ້າມີປະສົບການໃນການທົດລອງແປງເຄື່ອງຈັກຂະໜາດນ້ອຍເປັນພື້ນຖານກໍຍິ່ງດີ

  • ເຝິກຊ້ອມດ້ານພາສາອັງກິດ ເພື່ອມີໂອກາດໃນການໄປເຮັດວຽກໃນຕະຫຼາດແຮງງານຕ່າງປະເທດ

ຊ່ວງເວລາໃນການເຮັດວຽກ

  • ຖ້າເຮັດສ່ວນຕົວ ແມ່ນບໍ່ມີໂມງຕາຍໂຕ

  • ຫາກເປัນພະນັກງານ ແມ່ນອີງຕາມຫ້ອງການ ຫຼື ບໍລິສັດນັ້ນໆຈະກຳນົດ

ທ່ານສາມາດຕິດຕໍ່ເພື່ອສອບຖາມຂໍ້ມູນຂ່າວສານ ຫຼື ລາຍລະອຽດກ່ຽວກັບການບໍລິການເພີ່ມເຕີມ

ທີ່ຢູ່

ຖະໜົນດົງປາຍນາ
ບ້ານສະພານທອງເໜືອ 
ເມືອງສີສັດຕະນາກ 
ນະຄອນຫຼວງວຽງຈັນ

ເບີໂທຕິດຕໍ່: 020 54129234
Khemthitcareer@gmail.com
Learning4lee@gmail.com

ໂມງລັດຖະການ

ຈັນ-ສຸກ : 8:00-​17:00

  • Whatsapp
  • Facebook
  • Youtube
  • TikTok

ສົນໃຈຕິດຕໍ່ເພື່ອສອບຖາມລາຍລະອຽດ

ຂອບໃຈທີ່ສົ່ງຂໍ້ຄວາມຫາພວກເຮົາ

ໂຄຄູນ ໂດຍ ເຂັມທິດອາຊີບ

bottom of page