ນັກຟີຊິກ

ການເຮັດວຽກ

ລັກສະນະວຽກ

ລັກສະນະການເຮັດວຽກຂອງນັກຟີຊິກ ແມ່ນເຮັດວຽກກ່ຽວກັບການສຶກສາ ແລະ ຕໍ່ຍອດຄວາມຮູ້ທາງດ້ານຟີຊິກເຂົ້າໃນການຜະລິດ ແລະ ການພັດທະນາສິ່ງປະດິດຕ່າງໆໃນຫຼາຍໆຂະແໜງການ ເຊັ່ນ: ການສຶກສາກ່ຽວກັບແມ່ເຫຼັກເຂົ້າໃນການຜະລິດຊິ້ນສ່ວນຕ່າງໆ, ສຶກສາກ່ຽວກັບຄື້ນແມ່ເຫຼັກ, ແສງ, ສີ, ສຽງ, ພະລັງງານນິວເຄຼຍ, ຟີຊິກດາລາສາດ ແລະ ອື່ນໆ ເຊິ່ງຂຶ້ນກັບຂະແໜງການ ຫຼື ອົງກອນທີ່ນັກຟີຊິກເຮັດວຽກຢູ່. ນອກນັ້ນ, ຍັງມີການທົດລອງ,​ຄົ້ນຄວ້າວິໄຈກ່ຽວກັບປາກົດການທາງທໍາມະຊາດທີ່ອາດຈະເກີດຂຶ້ນໃນຊີວິດປະຈໍາວັນຂອງເຮົາ ໂດຍການນໍາໃຊ້ຄວາມຮູ້ທາງຟີຊິກມາວິເຄາະ. 

ໜ້າທີ່ຮັບຜິດຊອບ

• ຄົ້ນຄວ້າ, ວິໄຈ, ທົດສອບ ແລະ ທົດລອງກ່ຽວກັບປາກົດການທໍາມະຊາດທີ່ເກີດຂຶ້ນ ເພື່ອນໍາເອົາຜົນການທົດລອງດັ່ງກ່າວມາອະທິບາຍວ່າເກີດຂຶ້ນຍ້ອນຫຍັງ ເພື່ອໃຫ້ພາກສ່ວນອື່ນໆນໍາເອົາໄປແກ້ໄຂ 

• ສຶກສາວິໄຈກ່ຽວກັບຄວາມຮູ້ທາງດ້ານຟີຊິກໃນຂະແໜງການທີ່ຕົນເອງເຮັດວຽກຢູ່ ເຊັ່ນ: ແສງ, ສີ, ສຽງ, ແມ່ເຫຼັກ, ຄື້ນໄຟຟ້າ, ພະລັງງານນິວເຄຼຍ ແລະ ອື່ນໆ ເພື່ອສົ່ງໃຫ້ໂຮງງານອຸດສາຫະກໍາໄດ້ຜະລິດສິນຄ້າ ຫຼື ວັດຖຸຕ່າງໆອອກມາໃຊ້ໃນການແກ້ໄຂບັນຫາໃຫ້ກັບຄົນໃນສັງຄົມ

• ນັກຟີຊິກບາງຄົນທີ່ຢູ່ໃນບໍລິບົດຂອງປະເທດເຮົາ ແມ່ນຍັງເຮັດໜ້າທີ່ໃນການສອນ ຢູ່ໃນສະຖາບັນການສຶກສາອີກດ້ວຍ ຫຼື ເວົ້າສັ້ນໆວ່າເປັນອາຈານສອນກ່ຽວກັບຟີຊິກ

ສະຖານທີ່ເຮັດວຽກ

• ໂຮງງານອຸດສາຫະກໍາ

• ສະຖາບັນການສຶກສາ