ນັກທໍລະນີວິທະຍາ

• ຂຽນສະເໜີແຜນຂໍທຶນໃນການຄົ້ນຄວ້າໃດໜຶ່ງ

• ອອກເດີນທາງສໍາຫຼວດ ແລະ ຂຸດຄົ້ນກ່ຽວກັບສະຖານທີ່ໃດໜຶ່ງໂດຍສະເພາະ

• ນໍາເອົາຫີນ ຫຼື ຊາກທີ່ຕົນເອງໄດ້ຂຸດຄົ້ນມາ ມາຄົ້ນຄວ້າຕໍ່ໃນຫ້ອງປະຕິບັດການ (ຫ້ອງແລ໋ບ)

• ນຳເຂົ້າຂໍ້ມູນທີ່ຕົນເອງຄົ້ນຄວ້າໄດ້ ອອກມາເຜີຍແຜ່ຕໍ່ສື່ມວນຊົນ ແລະ ຄົນໃນສັງຄົມໃຫ້ໄດ້ຮັບຮູ້

• ວິເຄາະຂໍ້ມູນທາງທໍລະນີວິທະຍາ ເພື່ອໃຫ້ຄໍາປຶກສາແກ່ໜ່ວຍງານລັດ ແລະ ເອກະຊົນ ໃນເລື່ອງຄວາມເໝາະສົມຂອງພື້ນທີ່ກໍ່ສ້າງ ເຊັ່ນ: ທາງຫຼວງ, ອຸມົງ ແລະ ແຫຼ່ງອື່ນໆ

• ສຶກສາອົງປະກອບທາງເຄມີຂອງຫີນ, ແຮ່ປະເພດຕ່າງໆ 

• ປະເມີນຜົນກະທົບທາງສິ່ງແວດລ້ອມ ຈາກການນໍາໃຊ້ຊັບພະຍາກອນທໍາມະຊາດ

• ສຶກສາປະລິມານ ແລະ ຄຸນນະພາບຂອງນໍ້າໃຕ້ດິນ

• ວິເຄາະ, ຈໍາແນກຫີນ ແລະ ແຮ່ທາດອອກຈາກກັນ 

• ປະເມີນກ່ຽວກັບໄພພິບັດທາງທໍາມະຊາດ ເພື່ອປ້ອງກັນ ແລະ ກຽມຄວາມພ້ອມກັບການຮັບມື 

• ຄິດ, ວິເຄາະ, ອອກແບບ ແລະ ຄິດໄລ່ກ່ຽວກັບແຫຼ່ງຊັບພະຍາກອນໃຕ້ດິນ ເພື່ອໃຫ້ວິສະວະກອນນໍາເອົາຜົນໄປເບິ່ງ ແລະ ເຮັດການຂຸດຄົ້ນ ຕາມການຄິດໄລ່ຂອງນັກທໍລະນີວິທະຍາ

ສະຖານທີ່ເຮັດວຽກ

• ບໍລິສັດຂຸດຄົ້ນແຮ່ທາດ, ນໍ້າມັນ ແລະ ກ໊າສທໍາມະຊາດ

• ສູນຄົ້ນຄວ້າ

• ໜ່ວຍງານລັດ 

ຜູ້ທີ່ຕ້ອງເຮັດວຽກຮ່ວມ

• ວິສະວະກອນ

• ນັກທໍລະນີວິທະຍາຄົນອື່ນໆ

• ພະນັກງານໃນໜ່ວຍງານລັດ ແລະ ເອກະຊົນ

ທາງເລືອກອາຊີບ

ທາງເລືອກຂອງນັກທໍລະນີວິທະຍາແມ່ນມີທາງເລືອກທາງດ້ານອາຊີບທີ່ໜ້າສົນໃຈຄື: 

• ສາມາດເຮັດວຽກໃນສາຍບໍລິຫານໄດ້ ເຊັ່ນ: ບໍລິຫານທີມ, ການວາງແຜນການຂຸດຄົ້ນຕ່າງໆ

• ສາມາດເຮັດວຽກໃນສາຍເຕັກນິກໄດ້ ເຊັ່ນ: ຂຸດ, ເຈາະ ແລະ ພັດທະນາເຕັກໂນໂລຊີໃໝ່ໆ ເຂົ້າໃນການຂຸດຄົ້ນ

• ສາມາດເຮັດວຽກໃນພາກສ່ວນລັດ ຫຼື ເອກະຊົນໄດ້ 

• ສາມາດປະກອບອາຊີບອິດສະຫຼະໄດ້ ໂດຍການເປັນທີ່ປຶກສາ