ວິສະວະກອນໂທລະຄົມມະນາຄົມ

ການເຮັດວຽກ

ລັກສະນະວຽກ

ລັກສະນະໜ້າວຽກຂອງວິສະວະກອນໂທລະຄົມມະນາຄົມ ແມ່ນຈະເຮັດວຽກກວມລວມຫຼາຍສາຍເຊັ່ນ: ໄດ້ເຮັດວຽກທີ່ເຊື່ອມຕໍ່ກັບເອເລັກໂຕຣນິກ, ວຽກໂຍທາທີ່ກ່ຽວກັບການວາງໂຄງສ້າງ, ວຽກຕິດຕັ້ງເສົາ ຫຼື ຕິດຕັ້ງສາຍອາກາດ ແລະ ວິສະວະກໍາໄຟຟ້າ ເປັນຕົ້ນ.

ໜ້າທີ່ຮັບຜິດຊອບ

• ຮັບແຈ້ງປັນຫາຈາກລູກຄ້າ ອາດຈະໃຊ້ເວລາ 2-3 ມື້ ເພື່ອຫາວິທີແກ້ໄຂ ຫຼື ອາທິດໜຶ່ງ ສ່ວນຫຼາຍຈະເປັນເລື່ອງການເພີ່ມເສົາສັນຍານ ຫຼື ເພີ່ມອຸປະກອນ ເພື່ອໃຫ້ລູກຄ້າໃຊ້ງານໄດ້ຫຼາຍຂຶ້ນ

• ອອກແບບລະບົບອຸປະກອນ ແລະ ສ່ວນປະກອບຕ່າງໆ ທີ່ກ່ຽວກັບການໂທລະຄົມມະນາຄົມ ຫຼື ການສື່ສານທາງໄກ

• ວາງແຜນ ແລະ ຄວບຄຸມການຜະລິດ, ກໍ່ສ້າງ, ຕິດຕັ້ງ, ທົດສອບການໃຊ້ງານ ແລະ ການບຳລຸງຮັກສາ, ການພັດທະນາ ແລະ ການສ້ອມແປງ

• ວາງແຜນ ແລະ ຄວບຄຸມການນໍາໃຊ້, ການບຳລຸງຮັກສາລະບົບ ຫຼື ອຸປະກອນໂທລະຄົມມະນາຄົມ ແລະ ເອເລັກໂຕຣນິກຂະໜາດໃຫຍ່ ເຊັ່ນ: ສະຖານີວິທະຍຸກະຈາຍສຽງ, ສະຖານີຮັບສັນຍານດາວທຽມ ເປັນຕົ້ນ

• ປະຕິບັດວຽກອື່ນໆຄືກັນກັບວິສະວະກອນໄຟ້ຟ້າ ແຕ່ມີຄວາມຊຳນານທາງດ້ານລະບົບ ແລະ ອຸປະກອນໂທລະຄົມມະນາຄົມຫຼາຍກວ່າ

• ອອກແບບ, ຄິດຄົ້ນ ແລະ ຊອກຫາວິທີການໃໝ່ໆ ເພື່ອໃຫ້ລະບົບສັນຍານ ຫຼື ເຄືອຂ່າຍດີຂຶ້ນ 

• ຕິດຕັ້ງເສົາສົ່ງສັນຍານໂທລະສັບ, ເພີ່ມການກະຈາຍສັນຍານໃນພື້ນທີ່

• ເບິ່ງແຍງສັນຍານເຄືອຂ່າຍ ຂອງພາກສ່ວນໃດໜຶ່ງ ຫຼື ເຂດໃດໜຶ່ງຕາມໜ້າທີ່ຮັບຜິດຊອບ

ສະຖານທີ່ເຮັດວຽກ

• ບໍລິສັດທີ່ໃຫ້ບໍລິການເຄືອຂ່າຍ ແລະ ອິນເຕີເນັດ

• ກະຊວງໄປສະນີໂທລະຄົມມະນາຄົມ ແລະ ການສື່ສານ

• ສະຖານີດາວທຽມ

• ໂທລະພາບແຫ່ງຊາດ

ຜູ້ທີ່ຕ້ອງເຮັດວຽກຮ່ວມ

• ລູກຄ້າ

• ພະແນກວິທະຍຸ

• ຫົວໜ້າຜູ້ຄວບຄຸມ

• ຊ່າງທີ່ຮັບຕິດຕັ້ງ

• ພະແນກອື່ນໆ ເຊັ່ນ: ຝ່າຍການຕະຫຼາດ ເປັນຕົ້ນ

• ວິສະວະກອນໄຟຟ້າ

• ວິສະວະກອນເອເລັກໂຕຣນິກ