ຈິດຕະກຳ
ນິຍາມ ແລະ ຄວາມສຳຄັນ
ສາຂາຈິດຕະກຳ ແມ່ນເປັນສາຂາທີ່ແນໃສ່ກໍ່ສ້າງບັນດາພະນັກງານ, ນັກຮຽນ, ນັກສຶກສາທີ່ຮຽນຈົບລະດັບຊັ້ນກາງ ແລະ ຊັ້ນສູງ ເພື່ອໃຫ້ພວກເຂົາສາມາດມີເງື່ອນໄຂມາສຶກສາຮໍ່າຮຽນຍົກລະດັບວິຊາສະເພາະຂອງຕົນເອງໃນລະດັບປະລິນຍາຕີ ທາງດ້ານສິລະປະວິຈິດຕະກໍາສາຂາວິຊາຈິດຕະກໍາ ເຮັດໃຫ້ເຂົາເຈົ້າມີຄວາມຮູ້ຄວາມສາມາດທາງດ້ານແນວຄິດ, ການເມືອງ ແລະ ວິຊາສະເພາະທີ່ສາມາດເປັນຄູອາຈານສອນໃນໂຮງຮຽນສາມັນ, ໂຮງຮຽນຊັ້ນຕົ້ນ, ຊັ້ນກາງຂອງວິຈິດສິນໃນທົ່ວປະເທດ ທັງເປັນພະນັກງານວິຊາການ ແລະ ວິຊາສະເພາະວິຈິດສິນໃນສະຖານທີ່ຮຽກຮ້ອງຕ້ອງການ.
-
ຫຼັກການແຕ້ມຂອງການແຕ້ມເສັ້ນ ແລະ ການພັດທະນາຂອງຕົວມັນເອງ
-
ການສໍາຫຼວດວິທີ ແລະ ເຕັກນິກຂອງການແຕ້ມເສັ້ນດ້ວຍວິທີການຕ່າງໆ ເຊັ່ນ: ສໍດໍາ, ສໍສີ, ບິກ, ສີປະສົມ ໂດຍສຶກສາຈາກທໍາມະຊາດ, ສິລະປະວັດຖຸບູຮານສະຖານ ແລະ ອື່ນໆ
ຮຽນກ່ຽວກັບຫຍັງ?
ທັກສະ ແລະ ຄວາມສົນໃຈ
-
ທັກສະພື້ນຖານການແຕ້ມຮູບ
-
ສົນໃຈໃນສິລະປະ, ການແຕ້ມຮູບ
-
ສົນໃຈດ້ານການສັງເກດ
-
ທັກສະດ້ານຈິນຕະນາການ
ຮຽນແລ້ວໄດ້ຫຍັງ?
-
ທັກສະກ່ຽວກັບການແຕ້ມຮູບຊົງທີ່ແຕກຕ່າງກັນ, ວັດຖຸທີ່ຢູ່ໃນເບື້ອງຫຼັງ, ສີ, ແສງ, ເງົາ, ໄລຍະ, ທິດທາງ, ຂະໜາດ, ສັດສ່ວນ, ການແທກ, ການເຄື່ອນໄຫວ, ຄວາມດຸ່ນດ່ຽງ
-
ເມື່ອສໍາເລັດການສຶກສາຕາມຫຼັກສູດລະດັບຊັ້ນປະລິນຍາຕີວິຈິດສິນກໍຈະໄດ້ຮັບໃບປາກາສະນິຍະບັດ ສາມາດຢື່ນໃບສະໝັກເຂົ້າເຮັດວຽກນໍາອົງການຈັດຕັ້ງພັກລັດ, ລັດວິສາຫະກິດ, ເອກະຊົນ, ເປັນສິລະປິນອິດສະຫຼະ ເຊິ່ງອີງໃສ່ຄວາມຮູ້ຄວາມສາມາດ ແລະ ເງື່ອນໄຂຄວາມເປັນຈິງຂອງແຕ່ລະບຸກຄົນ
ຈົບແລ້ວປະກອບອາຊີບຫຍັງໄດ້ແດ່?
-
ເຮັດວຽກນໍາອົງການຈັດຕັ້ງ ພັກ-ລັດ ລັດວິສາຫະກິດ ຫຼື ພາກສ່ວນເອກະຊົນທີ່ມີຄວາມຮຽກຮ້ອງຕ້ອງການ
-
ເປັນນັກສິລະປິນ ຫຼື ນັກແຕ້ມອິດສະຫຼະ
-
ສາມາດໄປຮຽນຕໍ່ພາຍໃນ ແລະ ຕ່າງປະເທດ ໃນລະດັບ ປະລິນຍາໂທ, ປະລິຍາເອກໄດ້
ສາມາດຮຽນໄດ້ຢູ່ໃສ?
-
ສະຖາບັນວິຈິດສິນແຫ່ງຊາດ
- ພາກວິຊາ ຈິດຕະກຳ
- ຮຽນ 5 ປີ ແລະ ຮຽນເຕັມເວລາ
