ກົດໝາຍທຸລະກິດ
ນິຍາມ ແລະ ຄວາມສຳຄັນ
ສາຂາກົດໝາຍທຸລະກິດ ແມ່ນສາຂາທີ່ສອນກ່ຽວກັບບັນດາກົດໝາຍທີ່ຄຸ້ມຄອງສາຍພົວພັນທາງດ້ານທຸລະກິດ ເຊັ່ນ: ວິທີການດຳເນີນ, ການຈັດການທຸລະກິດ ແລະ ການແກ້ໄຂຂໍ້ຂັດແຍ້ງທາງດ້ານທຸລະກິດ ເພື່ອເຮັດໃຫ້ຖືກຕ້ອງ, ສອດຄ່ອງກັບລະບຽບກົດໝາຍໃນສັງຄົມ ເຊິ່ງມີຄວາມສຳຄັນຕໍ່ການຂະຫຍາຍຕົວຂອງພາກທຸລະກິດ ໂດຍສະເພາະທຸລະກິດຂະໜາດນ້ອຍ ແລະ ຂະໜາດກາງທີ່ປະກອບສ່ວນສຳຄັນໃນການພັດທະນາເສດຖະກິດແບບຍືນຍົງຂອງຊາດ.
-
ບັນດາຫຼັກການທາງດ້ານກົດໝາຍທີ່ກ່ຽວຂ້ອງກັບທຸລະກິດ ເປັນຕົ້ນແມ່ນບັນດາກົດໝາຍໃນຂົງເຂດການລົງທຶນ, ວິສາຫະກິດ, ພາສີ-ອາກອນ, ຊັບສິນທາງປັນຍາ, ແຮງງານ, ສິ່ງແວດລ້ອມ ແລະ ອື່ນໆ
-
ຮຽນຮູ້ກ່ຽວກັບບັນດາພື້ນຖານການດໍາເນີນທຸລະກິດ ເຊັ່ນ: ການຄິດໄລ່ບັນຊີ, ການບໍລິຫານທຸລະກິດ ແລະ ການຄ້າລະຫວ່າງປະເທດ ເປັນຕົ້ນ
ຮຽນກ່ຽວກັບຫຍັງ?
ທັກສະ ແລະ ຄວາມສົນໃຈ
-
ມັກອ່ານ, ຄົ້ນຄວ້າ ແລະ ວິເຄາະບັນຫາ
-
ສົນໃຈທາງດ້ານກົດໝາຍທີ່ພົວພັນກັບທຸລະກິດ
-
ຄວາມອົດທົນສູງ
-
ການວິເຄາະ, ປະເມີນ ແລະ ວາງແຜນ
ຮຽນແລ້ວໄດ້ຫຍັງ?
-
ຄວາມຮູ້ທາງດ້ານກົດໝາຍທີ່ກ່ຽວຂ້ອງກັບການດຳເນີນທຸລະກິດການຄ້າ, ຄວາມສາມາດໃນການບໍລິຫານຈັດການ ແລະ ຄຸ້ມຄອງທຸລະກິດຕາມລະບຽບກົດໝາຍ
-
ທັກສະໃນການວິເຄາະບັນຫາ, ການແກ້ໄຂບັນຫາ ແລະ ຂໍ້ຂັດແຍ້ງທາງດ້ານກົດໝາຍພາຍໃນອົງກອນທຸລະກິດ
ຈົບແລ້ວປະກອບອາຊີບຫຍັງໄດ້ແດ່?
-
ຜູ້ໄກ່ເກ່ຍຂໍ້ຂັດແຍ້ງທາງດ້ານທຸລະກິດ ແລະ ການຄ້າ
-
ນັກຄົ້ນຄວ້າໃນຂົງເຂດການສຶກສາທີ່ກ່ຽວຂ້ອງກັບກົດໝາຍ ແລະ ທຸລະກິດ
-
ທີ່ປຶກສາທາງດ້ານກົດໝາຍ
-
ນັກກົດໝາຍ
ສາມາດຮຽນໄດ້ຢູ່ໃສ?
-
ມະຫາວິທະຍາໄລແຫ່ງຊາດ
- ຄະນະ ນິຕິສາດ ແລະ ລັດຖະສາດ
- ພາກວິຊາ ກົດໝາຍທຸລະກິດ
- ຮຽນ 4 ປີ ແລະ ຮຽນເຕັມເວລາ
