ກົດໝາຍອາຍາ
ນິຍາມ ແລະ ຄວາມສຳຄັນ
ກົດໝາຍອາຍາ ແມ່ນກົດໝາຍທີ່ມີໜ້າທີ່ປົກປັກຮັກສາລະບອບການເມືອງ, ເສດຖະກິດ ແລະ ສັງຄົມຂອງ ສປປ ລາວ, ກຳມະສິດຂອງລັດ, ລວມໝູ່ ແລະ ເອກະຊົນ ເຊິ່ງມີຄວາມສໍາຄັນຫຼາຍຕໍ່ກັບການພັດທະນາໃນຂົງເຂດວຽກງານຍຸຕິທໍາ ໂດຍສະເພາະແມ່ນການແກ້ໄຂຂໍ້ຂັດແຍ້ງທີ່ແຕະຕ້ອງເຖິງສິດເສລີພາບ ແລະ ຜົນປະໂຫຍດອັນຊອບທໍາຂອງພົນລະເມືອງທຸກຄົນ, ຄວາມສະຫງົບຂອງຊາດ ແລະ ຄວາມເປັນລະບຽບຮຽບຮ້ອຍໃນສັງຄົມ.
-
ໜ້າທີ່ຂອງກົດໝາຍອາຍາ ແລະ ການຈັດຕັ້ງປະຕິບັດກົດໝາຍດັ່ງກ່າວ ເຊິ່ງລວມມີການວິເຄາະອົງປະກອບທີ່ກໍ່ໃຫ້ເກີດການກະທໍາຜິດທາງອາຍາ, ການກໍານົດໂທດ ແລະ ຂັ້ນຕອນຂອງການດໍາເນີນຄະດີທາງອາຍາ
-
ພາລະບົດບາດຂອງອົງການທີ່ມີສິດອໍານາດໃນການດຳເນີນຄະດີອາຍາ ເຊັ່ນ: ສານປະຊາຊົນ, ໄອຍະການປະຊາຊົນ, ອົງການສືບສວນສອບສວນຂອງເຈົ້າໜ້າທີ່, ຕໍາຫຼວດ, ທະຫານ, ພາສີ ແລະ ປ່າໄມ້ອີກດ້ວຍ
ຮຽນກ່ຽວກັບຫຍັງ?
ທັກສະ ແລະ ຄວາມສົນໃຈ
-
ວິຊາສຶກສາພົນລະເມືອງ, ປະຫວັດສາດ , ພາສາລາວ
-
ສົນໃຈໃນຂົງເຂດທີ່ກ່ຽວຂ້ອງກັບກົດໝາຍອາຍາ
-
ຍຶດຫມັ້ນຕໍ່ຄວາມຖືກຕ້ອງ ແລະ ຍຸຕິທໍາ
-
ມັກຊອກຮູ້ວິທີການແກ້ໄຂບັນຫາໃນສັງຄົມ
ຮຽນແລ້ວໄດ້ຫຍັງ?
-
ຄວາມຮູ້ ແລະ ຄວາມສາມາດໃນການວິເຄາະການກະທຳຜິດ ແລະ ໂທດທາງອາຍາ
-
ທັກສະທີ່ຈຳເປັນໃນການດໍາເນີນຄະດີອາຍາ ເຊັ່ນ: ການເອົາຄໍາໃຫ້ການ (ໂຈດ ແລະ ຈໍາເລີຍ), ສ້າງບົດບັນທຶກ, ຂຽນຄໍາຖະແຫຼງສັ່ງຟ້ອງຜູ້ກະທໍາຜິດຂຶ້ນສານ ແລະ ແຕ່ງຄໍາຕັດສິນຂອງສານ ເປັນຕົ້ນ
ນອກຈາກນັ້ນ, ຍັງໄດ້ຝຶກຝົນທັກສະໃນການສື່ສານ ແລະ ການວິເຄາະລາຍລະອຽດອີກດ້ວຍ.
ຈົບແລ້ວປະກອບອາຊີບຫຍັງໄດ້ແດ່?
-
ນັກກົດໝາຍ
-
ທະນາຍອິດສະຫຼະ
-
ນັກວິຊາການຕາມບັນດາອົງການຕຸລາການ
-
ທີ່ປຶກສາທາງດ້ານກົດໝາຍ
ສາມາດຮຽນໄດ້ຢູ່ໃສ?
-
ມະຫາວິທະຍາໄລແຫ່ງຊາດ
- ຄະນະ ນິຕິສາດ-ລັດຖະສາດ
- ພາກວິຊາ ກົດໝາຍອາຍາ
- ຮຽນ 4 ປີ ແລະ ຮຽນເຕັມເວລາ
