ພະນັກງານຮັກສາຄວາມປອດໄພ

ການເຮັດວຽກ

ລັກສະນະວຽກ

ລັກສະນະວຽກຂອງພະນັກງານຮັກສາຄວາມປອດໄພ ແມ່ນຈະມີບ່ອນປະຈໍາສະເພາະໃນສະຖານທີ່ປະກອບການໃດໜຶ່ງ ເຊິ່ງຈະເຮັດວຽກກ່ຽວກັບການຮັກສາຄວາມປອດໄພ ໂດຍການສອບຖາມຜູ້ທີ່ເຂົ້າອອກ, ກວດເບິ່ງຄວາມເປັນລະບຽບຮຽບຮ້ອຍຂອງບັນດາຕຶກອາຄານຕ່າງໆ.

ໜ້າທີ່ຮັບຜິດຊອບ

• ເຮັດໜ້າທີ່ໃນການເບິ່ງແຍງຄວາມຮຽບຮ້ອຍຢູ່ບັນດາຕຶກອາຄານຕ່າງໆ ເຊັ່ນ: ກວດກາເບິ່ງການປິດ-ເປີດໄຟ, ການໃສ່ກະແຈເພື່ອລັອກຫ້ອງການບາງຫ້ອງທີ່ມີຄວາມລັບ ຫຼື ຫ້ອງທີ່ສຳຄັນ ຫຼັງຈາກໂມງເລີກວຽກ

• ຮັກສາຄວາມປອດໄພ ໂດຍສະເພາະແມ່ນຄົນເຂົ້າຄົນອອກ, ບາງຫ້ອງການທີ່ມີການຮັກສາຄວາມປອດໄພສູງແມ່ນບໍ່ອະນຸຍາດໃຫ້ຄົນເຂົ້າ ພະນັກງານຮັກສາຄວາມປອດໄພກໍຕ້ອງເຮັດໜ້າທີ່ນີ້ຢ່າງເຄັ່ງຄັດ

• ເມື່ອເກີດບັນຫາຕ່າງໆຂຶ້ນ ກໍມີໜ້າທີ່ແຈ້ງໃຫ້ກັບຜູ້ທີ່ເຮັດວຽກກ່ຽວຂ້ອງ ເຊັ່ນ: ໄຟຟ້າບາງສ່ວນບໍ່ໄດ້ ຫຼື ມີສ່ວນໃດໃນບໍລິສັດທີ່ເປ່ເພ

• ສັງເກດເບິ່ງສິ່ງທີ່ຜິດປົກກະຕິ ຖ້າຫາກວ່າມີເຫດການບໍ່ປົກກະຕິ ກໍຕ້ອງໄດ້ແຈ້ງໃຫ້ພາກສ່ວນທີ່ກ່ຽວຂ້ອງໄດ້ຮັບຮູ້

ສະຖານທີ່ເຮັດວຽກ

• ບໍລິສັດ ຫຼື ອົງກອນ

• ໂຮງງານ, ໂຮງຮຽນ, ໂຮງແຮມ

• ບ້ານຈັດສັນ ເປັນຕົ້ນ

ຜູ້ທີ່ຕ້ອງເຮັດວຽກຮ່ວມ

• ພະນັກງານບໍລິສັດຄົນອື່ນໆ

• ແອັດມິນ

• ຊ່າງສ້ອມແປງ (ກໍລະນີທີ່ມີບັນຫາກ່ຽວກັບຕຶກອາຄານ)

• ຄົນອື່ນໆທີ່ມາພົວພັນວຽກກັບອົງກອນທີ່ຕົນເອງເຮັດວຽກຢູ່

ທາງເລືອກອາຊີບ

ພະນັກງານຮັກສາຄວາມປອດໄພ ແມ່ນມີທາງເລືອກທາງດ້ານອາຊີບທີ່ໜ້າສົນໃຈຄື: 

• ສາມາດເຮັດອາຊີບນີ້ເປັນອາຊີບຫຼັກທີ່ຫາລາຍໄດ້ໄດ້

• ຖ້າຫາກວ່າເຮົາມີວຽກເຮັດປະຈໍາ ແລະ ຕ້ອງການຫາລາຍໄດ້ເພີ່ມ ເຮົາສາມາດເຮັດວຽກເປັນພະນັກງານຮັກສາຄວາມປອດໄພເປັນວຽກເສີມໄດ້ ໂດຍການເຮັດເປັນກະ ເຊັ່ນ: ເຮັດວຽກກາງເວັນ ຫຼື ກາງຄືນ