ນັກພູມີສະຖາປະນິກ

ການເຮັດວຽກ

ລັກສະນະວຽກ

ຫຼາຍຄົນອາດມີຂໍ້ສົງໄສລະຫວ່າງ ນັກສະຖາປະນິກ ແລະ ນັກພູມີສະຖາປະນິກ ເຊິ່ງທັງສອງອາຊີບແມ່ນມີລັກສະນະວຽກທີ່ແຕກຕ່າງກັນຄື: 

•  ນັກສະຖາປະນິກ ແມ່ນຜູ້ທີ່ອອກແບບອາຄານປະເພດຕ່າງໆໃຫ້ສວຍງາມ ເຊິ່ງຈະອອກແບບສະເພາະຕຶກອາຄານເປັນສ່ວນໃຫຍ່ ວ່າອາຄານແບບໃດຈຶ່ງງາມ, ແປກໃໝ່ ແລະ ມີເອກະລັກເປັນຂອງຕົນເອງ ເຊັ່ນ: ເຮືອນ, ໂຮງແຮມ, ໂຮງໝໍ, ຮ້ານຄ້າ ແລະ ອື່ນໆ

• ນັກພູມີສະພາປະນິກ ແມ່ນເຮັດວຽກກ່ຽວກັບການອອກແບບ, ວາງແຜນຜັງ ແລະ  ຕົກແຕ່ງພື້ນທີ່ຕ່າງໆທີ່ຢູ່ອ້ອມຮອບອາຄານ ເປັນຕົ້ນແມ່ນບັນດາສວນຕ່າງໆໃຫ້ມີຄວາມສວຍງາມ, ນໍາໃຊ້ພື້ນທີ່ໃຫ້ເກີດປະໂຫຍດ, ເປັນມິດກັບສິ່ງແວດລ້ອມ ແລະ ເໝາະສົມກັບສັງຄົມ. ນອກນັ້ນ, ນັກພູມີສະຖາປະນິກແມ່ນຈະມີຄວາມຮູ້ກ່ຽວກັບທຳມະຊາດຂ້ອນຂ້າງຫຼາຍເນື່ອງຈາກວ່າເວລາອອກແບບແມ່ນຈະຕ້ອງຮູ້ກ່ຽວກັບດິນ, ຕົ້ນໄມ້,​ ລົມ ແລະ ການລະບາຍຂອງນ້ຳ ເປັນຕົ້ນ

ໜ້າທີ່ຮັບຜິດຊອບ

• ອອກໄປພົບລູກຄ້າເພື່ອຮັບຟັງຄວາມຕ້ອງການ ແລະ ນໍາເອົາຂໍ້ມູນມາວິເຄາະ

• ຫຼັງຈາກທີ່ໄດ້ຮັບໂຈດຈາກລູກຄ້າແລ້ວ ນັກພູມີສະຖາປະນິກຈະຕ້ອງມີການລົງສໍາຫຼວດພື້ນທີ່ ແລະ ເຮັດບົດນໍາສະເໜີຕ່າງໆໂດຍຜ່ານໂປຣແກຣມ ເພື່ອໄປສະເໜີໃຫ້ກັບລູກຄ້າ ພ້ອມບອກຄວາມສຳຄັນຂອງອົງປະກອບຕ່າງໆ

• ປະເມີນຜົນກະທົບທາງສິ່ງແວດລ້ອມ

• ເອົາຄວາມຄິດທີ່ອອກແບບໄວ້ໄປລົງລາຍລະອຽດ (Design development) ເພື່ອໃຫ້ໝັ້ນໃຈວ່າສິ່ງທີ່ຕົນເອງ ແລະ ທີມອອກແບບມານັ້ນ ສາມາດເກີດຂຶ້ນໄດ້ຈິງ

• ກວດສອບໜ້າງານ ຫຼັງຈາກທີ່ມີຄົນຮັບເໝົາກໍ່ສ້າງ

• ນັກພູມີສະຖາປະນິກບາງຄົນກໍມີໜ້າທີ່ວາງແຜນຜັງເມືອງ  ຂຶ້ນກັບການຈ້າງງານ ແລະ ປະສົບການເຮັດວຽກທີ່ກ່ຽວຂ້ອງ

• ເຮັດວຽກຮ່ວມກັບນັກສະຖາປະນິກໃນການອອກແບບ

ສະຖານທີ່ເຮັດວຽກ

• ບໍລິສັດອອກແບບສະຖາປັດຕະຍະກຳ ແລະ ພູມີສະຖາປັດຕະຍະກໍາ

• ບໍລິສັດຕົກແຕ່ງສວນ

• ບໍລິສັດທີ່ປຶກສາ

• ອາຊີບອິດສະຫຼະ

• ມະຫາວິທະຍາໄລ

• ບໍລິສັດອະສັງຫາລິມະຊັບ

ຜູ້ທີ່ຕ້ອງເຮັດວຽກຮ່ວມ

• ນັກສະຖາປະນິກ

• ວິສະວະກອນໂທາ

• ລູກຄ້າ

• ທີມຮັບເໝົາກໍ່ສ້າງ

• ການເງິນ