ນັກດາລາສາດ

ການເຮັດວຽກ

ລັກສະນະວຽກ

ວຽກຂອງນັກດາລາສາດ ແມ່ນວຽກທີ່ໃຊ້ວິທະຍາສາດ ແລະ ເຕັກໂນໂລຊີເຂົ້າໃນການເຮັດວຽກ ເຊິ່ງເວລາໃນການເຮັດວຽກສ່ວນໃຫຍ່ແມ່ນຢູ່ຫ້ອງປະຕິບັດການ ຫຼື ຫ້ອງແລ໋ບ(Laboratory) ໂດຍມີການສັງເກດວັດຖຸນອກອາວະກາດ ແລະ ມີການນໍາໃຊ້ໂປຣແກຣມຄອມພິວເຕີ ເພື່ອສ້າງແບບຈໍາລອງ ຫຼື ວິເຄາະຂໍ້ມູນ. 
ນັກດາລາສາດໃນສາກົນແບ່ງອອກເປັນ 2 ປະເພດຄື: ນັກດາລາສາດໃນດ້ານການສັງເກດ ແລະ ນັກດາລາສາດໃນດ້ານທິດສະດີ
- ນັກດາລາສາດໃນດ້ານການສັງເກດ ແມ່ນຈະເກັບຂໍ້ມູນ ແລະ ວິເຄາະຂໍ້ມູນກ່ຽວກັບວັດຖຸເທິງອາວະກາດ
- ນັກດາລາສາດໃນດ້ານທິດສະດີ ແມ່ນຈະເນັ້ນການຈໍາລອງໃນທາງວິເຄາະ ເພື່ອອະທິບາຍເຖິງປາກົດການຕ່າງໆ

ໜ້າທີ່ຮັບຜິດຊອບ

• ສັງເກດ ແລະ ສຶກສາປາກົດການເທິງທ້ອງຟ້າໂດຍໃຊ້ກ້ອງສ່ອງຈາກພື້ນດິນ

•  ເກັບກໍາຂໍ້ມູນຕ່າງໆທາງດາລາສາດທີ່ຕົນເອງໄດ້ຄົ້ນຄວ້າ ແລະ ສຶກສາ

• ສຶກສາຂໍ້ມູນທາງດາລາສາດ ເປັນຕົ້ນແມ່ນການຫາຂໍ້ມູນຄວາມຈິງ. ຕົວຢ່າງເຊັ່ນ: ກາແລັກຊີເກີດມາຈາກຫຍັງ? ດາວເຄາະແຕ່ລະດວງແຕກຕ່າງກັນແບບໃດ?

• ຄົ້ນຄວ້າ ແລະ ພັດທະນາທິດສະດີທາງດາລາສາດ

• ເຜີຍແຜ່ຄວາມຮູ້ ແລະ ຂໍ້ມູນຕ່າງໆທາງດາລາສາດໃຫ້ແກ່ຜູ້ທີ່ສົນໃຈ 

• ຂຽນແຜນເພື່ອຂໍສະເໜີທຶນໃນການສຳຫຼວດ

• ນໍາສະເໜີຜົນການສໍາຫຼວດຂອງຕົນເອງ

ສະຖານທີ່ເຮັດວຽກ

• ຫ້ອງທົດລອງ (ແລ໋ບ)

• ສູນວິໄຈດາລາສາດແຫ່ງຊາດ

• ກະຊວງວິທະຍາສາດ ແລະ ເຕັກໂນໂລຊີ

ຜູ້ທີ່ຕ້ອງເຮັດວຽກຮ່ວມ

• ນັກຂ່າວ

• ນັກດາລາສາດຄົນອື່ນໆ

• ນັກວິສະວະກອນຄອມພິວເຕີ

• ນັກວິສະວະກອນເຕັກໂນໂລຊີ

ທາງເລືອກອາຊີບ

ຄຸນຄ່າຂອງອາຊີບ

ນັກດາລາສາດເຮັດໃຫ້ມະນຸດໄດ້ເຂົ້າໃຈປາກົດການກ່ຽວກັບໂລກ, ອາວະກາດ ແລະ ສິ່ງອື່ນໆໃນນອກໂລກຫຼາຍຂຶ້ນ. ນອກນີ້, ດາລາສາດຍັງເຮັດໃຫ້ມະນຸດໃຫ້ຄວາມສໍາຄັນ ແລະ ຕື່ນຕົວກັບການຮັກສາໂລກຂອງເຮົາຫຼາຍຂຶ້ນ.