ວິສະວະກອນບໍ່ແຮ່

ການເຮັດວຽກ

ລັກສະນະວຽກ

ລັກສະນະວຽກໃນພາບລວມຂອງນັກວິສະວະກອນບໍ່ແຮ່ແມ່ນເຮັດວຽກທີ່ກ່ຽວກັບຂະບວນການຂຸດຄົ້ນ, ໄຈ້ແຍກປະເພດແຮ່ທາດ, ນ້ຳມັນ, ກ໊າສທໍາມະຊາດ ທີ່ຢູ່ໃຕ້ດິນ ເຊິ່ງວ່າຊັບພະຍາກອນທີ່ກ່າວມານັ້ນແມ່ນເຮົາບໍ່ສາມາດເຫັນໄດ້ດ້ວຍຕາເປົ່າຢູ່ເທິງໜ້າດິນ. ​ດັ່ງນັ້ນ, ອາຊີບນີ້ຈຶ່ງຕ້ອງໄດ້ໃຊ້ຈິນຕະນາການ, ການຄິດໄລ່, ການຄາດເດົາ ວ່າພື້ນໃດທີ່ຂຸດເຈາະດິນລົງໄປແລ້ວຈະພົບກັບຊັບພະຍາກອນດັ່ງກ່າວ. ນອກນັ້ນ, ວິສະວະກອນບໍ່ແຮ່ຍັງແມ່ນຜູ້ທີ່ຄິດຄົ້ນວິທີການຂຸດເຈາະ ແລະ ວາງແຜນໃນການຂຸດເຈາະອີກດ້ວຍ.

ໜ້າທີ່ຮັບຜິດຊອບ

• ເດີນທາງສໍາຫຼວດ ເພື່ອເກັບຂໍ້ມູນ

• ນໍາເອົາຂໍ້ມູນທີ່ໄດ້ ໄປວິເຄາະຂໍ້ມູນເພື່ອອອກແບບ ແລະ ຂະບວນການຜະລິດບໍ່ແຮ່ຈາກພື້ນທີ່ສໍາຫຼວດ

• ຄິດຄົ້ນວິທີການສໍາຫຼວດ ໂດຍນໍາໃຊ້ເຕັກໂນໂລຊີ ເພື່ອໃຫ້ຂະບວນການຂຸດຄົ້ນໄດ້ຜົນຜະລິດສູງສຸດ ໂດຍມີການຄິດໄລ່ ແລະ ວິເຄາະຫຼາຍໆດ້ານກ່ຽວກັບປະລິມານ, ຄວາມສາມາດໃນການຂຸດເຈາະ ເພື່ອໃຫ້ຮັບປະກັນວ່າການຂຸດຄົ້ນໃນຄັ້ງນັ້ນໆຈະຄຸ້ມຄ່າ ກ່ອນທີ່ຈະມີການຂຸດເຈາະຕົວຈິງ

• ສໍາຫຼວດແຫຼ່ງບໍ່ແຮ່ໃໝ່ໆ ທັງເທິງແຜ່ນດິນ ແລະ ໃນທະເລ

ສະຖານທີ່ເຮັດວຽກ

• ບໍລິສັດຜະລິດນ້ຳມັນ

• ບໍລິສັດຂຸດຄົ້ນບໍ່ແຮ່