Khemthit Fair ຄັ້ງທີ 01

06 April 2024 at Institut Français du Laos

Khemthit Fair ຄັ້ງທີ1 ສຳເລັດໄປດ້ວຍດີ

ໃນວັນ ເສົາ ທີ 06 ເມສາ 2024 ເວລາ 9:00-18:00

ພາຍໃນງານຈະມີກິດຈະກຳທີ່ຫຼາກຫຼາຍຄື:

• ມີຫ້ອງວາງສະແດງພາບຖ່າຍໂລກກວ້າງອາຊີບໂດຍໄວໜຸ່ມລາວ ລວມໄປເຖິງວາງສະແດງສາຍການຮຽນ-ສາຍອາຊີບ

• ມີບູ້ດຕ່າງໆທີ່ສາມາດໃຫ້ໄວໜຸ່ມເຂົ້າໄປໂອ້ລົມ ແລະ ປຶກສາຟຣີບໍ່ວ່າຈະເປັນສາຍການຮຽນ, ສາຍອາຊີບ, ການເລີ່ມຕົ້ນເຮັດປະກອບການ, ວຽກອາສາສະໝັກ, ສຳຫຼວດເງິນເດືອນ, ບັນຫາຂອງຜູ້ຍິງ, ການໂອ້ລົມບັນຫາຊີວິດ ແລະ ບູ້ດອື່ນໆອີກທີ່ໜ້າສົນໃຈ.

• ເວທີສົນທະນາກ່ຽວກັບການເລີ່ມຕົ້ນເຮັດປະກອບການ ແລະ ການຄົ້ນຫາຄວາມຖະໜັດຂອງຕົນເອງ.

• ກິດຈະກໍາແຈກຂອງລາງວັນອື່ນໆອີກຫຼາກຫຼາຍ.

ນອກທີ່ກ່າວມາ, ຜູ້ປົກຄອງທີ່ກັງວົນກັບການເລືອກສາຍການຮຽນ-ສາຍອາຊີບຂອງລູກຫຼານຕົນເອງ ສາມາດເຂົ້າຮ່ວມໄດ້ ເພາະເຮົາຈະມີກິດຈະກຳໂອ້ລົມກັນລະຫວ່າງຜູ້ປົກຄອງອີກດ້ວຍ

ງານກິດຈະກໍານີ້ເຂົ້າຮ່ວມຟຣີ

ທີມເຂັມທິດອາຊີບຂໍຂອບໃຈເປັນຢ່າງສູງມາຍັງຜູ້ສະໜຸນຫຼັກໃນງານຄັ້ງນີ້ກໍຄື ບໍລິສັດ108.jobs ແລະ ສະຖາບັນຝຣັ່ງປະຈໍາ ສ ປປ ລາວInstitut Français du Laos, ລວມໄປເຖິງຜູ້ຮ່ວມສະໜັບສະໜຸນ ກໍຄືນ້ຳດື່ມວາຣີ Vari Drinking Water ແລະ ໂດ່ງດັງ DhongDhang ທີ່ເຫັນເຖິງຄວາມສຳຄັນໃນງານຄັ້ງນີ້.

ນອກນັ້ນ, ງານນີ້ຈະເກີດຂຶ້ນບໍ່ໄດ້ເລີຍຖ້າຫາກບໍ່ມີຄູ່ຮ່ວມງານຕ່າງໆທີ່ໄປໃຫ້ຄວາມຮູ້,ໃຫ້ຄໍາປຶກສາ ແລະ ນໍາພານ້ອງໆຫລິ້ນກິດຈະກຳຕ່າງໆໃນງານ ແລະ ຄູ່ຮ່ວມດ້ານສື່ປະຊາສຳພັນ ທີ່ເປັນກະບອກສຽງສຳຄັນໃຫ້ກັບພວກເຮົາ

ພິເສດ, ຂອບໃຈນ້ອງໆນັກຮຽນ, ນັກສຶກສາ, ໄວໜຸ່ມ, ຜູ້ເຂົ້າຮ່ວມປະກວດພາບຖ່າຍ ແລະ ຜູ້ປົກຄອງທີ່ເຫັນວ່າການເລືອກສາຍຮຽນ, ສາຍອາຊີບ, ການຕັດສິນໃຈທາງເລືອກຕ່າງໆໃນຊີວິດເປັນເລື່ອງສຳຄັນ

ພວກເຮົາເປີດຮັບທຸກໆຄໍາຄິດເຫັນ ເພື່ອປັບປຸງໃນງານຄັ້ງໜ້າໃຫ້ດີຂຶ້ນ, ແລ້ວພົບກັນອີກຄັ້ງກັບງານ Khemthit Fair 02

#khemthitfair

#ເຂັມທິດອາຊີບ

#ຄົ້ນພົບຕົນເອງ