ທະນາຍຄວາມ

ຕິດຕໍ່ກັບລູກຄວາມ ເພື່ອເຂົ້າໃຈປະເພດຂອງຄະດີວ່າເປັນຄະດີແພ່ງ ຫຼື ຄະດີອາຍາ ແລະ ຫາຫຼັກຖານເພີ່ມເຕີມ

ເຮັດການຄົ້ນຄວ້າວິໄຈ ແລະ ວິເຄາະບັນຫາ, ຕີຄວາມໝາຍ, ຄຳຕັດສິນ ແລະ ລະບຽບການສຳລັບບຸກຄົນ ແລະ ບໍລິສັດ 

ນຳສະເໜີຂໍ້ມູນຄວາມຈິງດ້ວຍຫຼັກຖານ ແລະ ຄຳໃຫ້ການຂອງລູກຄວາມ ຫຼື ບຸກຄົນທີ່ກ່ຽວຂ້ອງກັບຄະດີ ແລະ ໄກ່ເກ່ຍຄະດີໃນນາມຂອງລູກຄວາມ

ຖ້າລູກຄວາມເປັນໂຈດ ທະນາຍຕ້ອງກະກຽມເອກະສານ, ຫຼັກຖານທີ່ກ່ຽວຂ້ອງ, ຮ່າງຄຳຟ້ອງ ແລະ ຍື່ນຕໍ່ສານ, ຖ້າເລື່ອງຂຶ້ນສານ ທະນາຍຄວາມຕ້ອງໄປສານທຸກຄັ້ງຈົນກວ່າຄະດີຈະແລ້ວ 

ໃນກໍລະນີທີ່ລູກຄວາມເປັນຈຳເລີຍ ທະນາຍຄວາມຕ້ອງລວບລວມຫຼັກຖານທີ່ກ່ຽວຂ້ອງກັບຄະດີ ເພື່ອໃຫ້ປະໂຫຍດແກ່ຈຳເລີຍ ແລ້ວນຳໄປພິສູດຕໍ່ສານ ເພື່ອແກ້ຂໍ້ກ່າວຫາຂອງໂຈດ; ເມື່ອເລື່ອງຮອດສານ ທະນາຍຄວາມຕ້ອງໄປສານທຸກຄັ້ງ

ເມື່ອຄະດີສິ້ນສຸດແລ້ວກໍຮັບຄ່າທະນາຍຄວາມຕາມທີ່ຕົກລົງກັນໄວ້ ແລະ ຫ້າມເປີດເຜີຍຄວາມລັບຂອງຜູ້ທີ່ຕົນວ່າຄວາມໃຫ້ ເວັ້ນແຕ່ວ່າລູກຄວາມຈະອະນຸຍາດ