ວິສະວະກອນວັດສະດຸ

ລັກສະນະວຽກຂອງວິສະວະກອນວັດສະດຸ ແມ່ນຈະສ້າງວັດສະດຸໃໝ່ໃຫ້ເໝາະສົມກັບຂໍ້ກຳນົດທາງກົນໄກ, ໄຟຟ້າ ແລະ ເຄມີບາງປະເພດ ເຊິ່ງຈະວິເຄາະວັດສະດຸ ເພື່ອເບິ່ງວ່າເປັນຫຍັງວັດສະດຸຈຶ່ງລົ້ມເຫຼວ, ຄິດຄົ້ນວິທີປັບປຸງວັດສະດຸເກົ່າ ແລະ ຍັງມີສ່ວນຮ່ວມໃນວົງຈອນຊີວິດທັງໝົດຂອງວັດສະດຸ ຕັ້ງແຕ່ການສ້າງສັນຈົນເຖິງການແປຮູບ ເພື່ອນຳມາໃຊ້ຄືນໃໝ່.
ຄວາມຈິງແລ້ວອາຊີບວິສະວະກອນວັດສະດຸແມ່ນເປັນຂົວຕໍ່ໃຫ້ລະຫວ່າງອາຊີບວິສະວະກອນກົນຈັກ ແລະ ວິສະວະກອນອຸດສາຫະກໍາ ເພາະເມື່ອທັງສອງຕ້ອງການວັດສະດຸປະເພດໃດ ວິສະວະກອນກົນວັດສະດຸຈະເປັນຜູ້ຜະລິດອອກມາເຊັ່ນ: ໂຄງເຫຼັກ, ສັງກະສີ, ປູນ, ສີມັງ ແລະ ອື່ນໆ.